Änderung des Asylgesetzes

Ziu vo de Vorlag

Ds grundsätzlicha Ziu vo der Gsetzesänderig isch d Beschleunigung vom Asylverfahre under Biibhautig vomena faire Verfahre.

Was chunnt gänderet?

Asylgsuech, wo ki witeri Abklärig bruuche u Verfahre im Dublin-System chäme imena beschleunigte Verfahre bearbiitet. Das Verfahre söu maximau 100 bzw. 140 Tage (bi Dublin-Verfahre) duure. Während däri Zit chäme di Asylsuechende i Zentre vom Bund underbracht. Für dasmu witerhiin fairi Verfahre cha garantiere, hii di Asylsuechende im beschleunigte Verfahre a Aspruch ufena choschtelosi Rächtsberatig u uf Beratig zum Asylverfahre. Di Aträg, wo witeri Abgkärige benötige, chäme imena erwiterete Verfahre behandlet. Dadefür chäme di Asylsuechende de Kantön zuegwise.

Argumänt vo de Befürworter

  • As cheemi zu günschtigere u effizientere Asylverfahre. Zudäm chennti di Asylsuechende im Fau vomena positive Entscheid flingger i d Gsöuschaft integriert choo.
  • Di choschtelosi Rächtsverträttig füehrt zu weniger Verfahrensfehlere u dademit zu weniger Rekurse. Usserdäm chii Rächtsverträtter vo chancelose Asylgsuech abrate.
  • Entgäge de Befürchtige vo Enteignige würdi Enteignige nume aus letschtmöglichi Option agwandt u bi aune bis itze plante Asyluentre si kinner Enteignige vorgseh.

Argumente dagegen

Gägner, wo d Gsetzesänderig zwenig restriktiv füne:

  • Di choschtelosi Rächtsberatig füehrt zunera hooji Anzauh vo Prozässe.
  • Di mögliche Enteignige duche Bund füre Buu vo Bundesasylzentre si nid verhäutnismässig.

Gägner, wo d Gsetzesänderig z restriktiv füne:

  • Ds 2013 ufghobena Botschaftsasyl u d Nidanerkennig vo Militärdienschtverweigerig aus Asylgrund weri mit Aanahm vo däm Gsetz schwirig ommi iizfüehre. So si vüu Asylsuechendi witerhiin zwunge, illegau iizriise. So verstosst ds Schwizer Asylgsetz witerhiin gäge d UNO-Flüchtlingskonvention.

Easyvote Video

Links

In Zusammenarbeit mit Vimentis und dem Jugendrat Freiburg

Jugendrat

Quelle: Abstümmigsbüechli , www.vimentis.ch, www.easyvote.ch

Faus epis nid setti neutral sii oder schüsch epis nid guet isch, de mäudet öich bitte bi üs