Fortpflanzungs-medizingesetz

Ziu vo däri Vorlag

De Bundesrat het wäge de Aanahm vo de Präimplantationsdiagnostik (PID) as gänderets Gsetz zu de medizinisch understützti Fortpflanzig (FMedG) erarbiitet. Ds gändereta FMedG söu Paar mit genetisch vererbbare Chrankhiite erluube, ihnes künschtlich befruhtete Embryone duch PID uf möglichi genetischi Fehler la z undersueche. Paar, wo uf natürlichum Wäg kinner Chinn chii züge, söle äbefaus d PID in Aaspruch töffe näh.

Was chunnt gänderet?

Ds nüa FMedG legalisiert d Undersuechig vo künschtlich erzügte Embryone uf genetisch vererbbari Chrankhiite. As erhööit di erluubti Entwicklig vo 3 uf 12 Embryone u erluubt d Ufbewahrig vo de Embryone usserhaub vo de Gebärmueter. Witerhiin verbotte bliibe Selektione nach Gschlächt oder Körpermerkmau.

Argumänt vo de Befürworter

  • Dank de PID chii Paar ihnes Embryone i de Schwiz la undersueche, statt das im Ussland under schlächtere Bedingige la z mache.
  • D PID ermöglichet a Abklärig vo läbensfähige Embryone ohni Abrtiibig.
  • Di hüttigi Rächtslaag verbietet d Ufbewahrig vo Embryone usserhaub vo de Gebärmueter, was zu riskante Mehrlingsschwangerschafte cha füehre.
  • D Zuelassig vo de PID stercht d Iigeverantwortig vo de Paar.

Argumänt vo de Gägner

  • Ds Iigfriere vo Embryone füehrt zunera Masselagerig vo mänschlichum „Verbruchsmateriau“.
  • Ds Ussortiere vo Embryone mit Erbchrankhiite diskriminiert Mänsche, wo scho mit sonera Chrankhiit lääbe (z.B. Downsyndrom).
  • D Aazauh vo erzügbare Embryone isch z hooi (12 statt 3).
  • D Aaanahm vom FMedG isch a gfährlicha Schritt ufum Wäg zunera schrankeloosi genetischi Ussortierig.

Easyvote Video

Links

In Zusammenarbeit mit Vimentis und dem Jugendrat Freiburg

Jugendrat

Quelle: Abstümmigsbüechli , www.vimentis.ch, www.easyvote.ch

Faus epis nid setti neutral sii oder schüsch epis nid guet isch, de mäudet öich bitte bi üs