Für eine faire Verkehrsfinanzierung

Ziu vo de Vorlag

Ds Gäud, wo d Strasseverchehrsnutzer zahle, söu usschliesslech i Strasseverchehr zruggfliesse. So söu d Finanzierig vom Schwizer Strassenetz lengfrischtig gsicheret choo.

Was chunnt gänderet?

D Initiativa verlangt, dass di gsamte Iinahme us de Minerauöustüür vom Strasseverchehr o füre Strasseverchehr bruucht chäme. Ds Gliicha güutet o füre Luftverchehr. Statt wi bishär 50% söle di gsamte Iinahme füre Strasse- u Luftverchehr zwäckbune choo. As bestiiti ki Möglichkiit meh, di finanziele Mittle andersch z bruuche.

Argumänt vo de Befürworter

  • Di finanziele Engpäss chäme besitiget u ds Schwizer Strassenetz cha o i Zuekunft usbuut choo.
  • Duche Nüübuu vo Umfahrigsstrasse chäme Dörfer u Wohnquartier entlaschtet.
  • Duche Buu vo nüe Strasse entstane positivi Uswürkige uf d Würtschaft, da meh Kapazität füre Güeterverchehr vorhande isch.

Argumänt vo de Gägner

  • D Zwäckbindig vo de Stüüriinahme gfährdet anderi Ufgaabe vom Bund, wüu wäge de fehlende Mittle Iispaarige müesse gmacht cho.
  • De Strasseverchehr belaschtet Mänsch u Umwäut. Drum isches juscht, dass a Tüu vo de Iinahme o anderne z guet chunnt.
  • D Initiativa macht ds Outofahre ommi attraktiver u schwecht so de öffentlicha Verchehr.

Easyvote Video

Links

In Zusammenarbeit mit Vimentis und dem Jugendrat Freiburg

Jugendrat

Quelle: Abstümmigsbüechli , www.vimentis.ch, www.easyvote.ch

Faus epis nid setti neutral sii oder schüsch epis nid guet isch, de mäudet öich bitte bi üs