Für ein bedingungsloses Grundeinkommen

Ziu vo de Vorlag

Jeda/jedi Schwizer BürgerIn söu as bedingigsloses Grundiikome becho.

Was chunnt gänderet?

Für ds bedingigslosa Grundiikome geebines, wi de Naame siit, kinner Bedingige. Auso o nid de Zwang, anera Erwärbstätigkiit naazgaa. D Hööji vom bedingigslose Grundiikome chunnt vo de Initiativa nid feschtgliit. D Initiante rede vo 2500 Franke für Erwachseni u 625 Franke für Chinn pro Maanet. Beträg, wo Lüt duch d Soziauwärch bechäme, würdi tüuwiis oder ganz duch ds bedingigslose Grundiikome deckt.

Argumänt vo de Befürworter

  • Friiwilligearbiit, Chinderbetröjig oder Pfleeg vo aute Lüt, wo hüt ki Lohn gäbe, cheemi mitum bedingigslose Grundiikome de Erwärbstätigkiit gliichgstöut.
  • De minimala Läbensstandard vom bedingigslose Grundiikome eliminiert Existenzängst u garantiert as würdevous Lääbe.
  • D Lüt würdi meh vo ihnes Zit i Büudig u Friiwilligearbiit investiere.
  • D Vertiilig vom Grundiikome bruucht vüu weniger Bürokratie aus di hütegi Soziauhüuf, wüu ki Bedürftigkiitsabklärig meh nötig weri.

Argumänt vo de Gägner

  • As entstiit a enorma Finanzierigsbedarf: D Iikommens- u d Mehrwärtstüür müessti erhööit choo.
  • D Iigeverantwortig u de Leischtigswüle vo de Bürgerine u Bürger chunnt duch ds bedingigslose Grundiikome zerstört.
  • D Attraktivität vo de Schwiz für Usländer duch ds bedingigslose Grundiikome chennti as Iiwanderigs-Problem gä.

Easyvote Video

Links

In Zusammenarbeit mit Vimentis und dem Jugendrat Freiburg

Jugendrat

Quelle: Abstümmigsbüechli , www.vimentis.ch, www.easyvote.ch

Faus epis nid setti neutral sii oder schüsch epis nid guet isch, de mäudet öich bitte bi üs