Pro Service public

Ziu vo de Vorlag

De Leischtigs- u Qualitätsabbuu im Service public söu gstoppt cho. D Löhn im Topmanagement vo bundesnooche Betriibe söle reduziert cho.

Was chunnt gänderet?

De Bund söu i de Grundversorgig nid nach Gwinn streebe, kinner stüürpolitische Ziu verfouge u nid anderi Verwautigsberiiche quersubventioniere. O bundesnoochi Betriibe söle di Regle müesse iihaute. Dezue söle d Löhn i settige Betriibe däne i de Bundesverwautig aaggliche choo.

Argumänt vo de Befürworter

  • De Serviceabbuu, wo nume de Gwinnmaximierig dient, muess gstoppt choo. A qualitativ gueti Versorgig het klar Vorrang gägenuberum Gwinnstreebe.
  • Hooji Tariife vo staatsnooche Betriibe, wo d Iinahme vom Bund erhööje, si indiräkti Stüüre. Di müesse gstoppt choo u defür d Priise gsänkt choo.
  • D Lohnbeschränkige träffe nume ds Topmanagement vo de bundesnooche Betriibe u si nötig, für d Kader vo staatliche u staatsnooche Betriibe glichzstele. D Löhn vo de meischte Mitarbiitende si allerdings nid hööjer aus di i de Bundesverwautig.

Argumänt vo de Gägner

  • D Initiativa isch unnötig, irrefüehrend u schwecht di guet funktionierendi Grundversorgig i de Schwiz duch Iischränkig vo de undernähmerischi Friihiit.
  • Ds Verbot, Gwinn z mache isch schädlich, wüu ohni Gwinn kinner Investitionen chii täätiget choo. D Iinahmeusfäu würdi zumena Leischtigsabbuu oder zu hööjere Stüüre füehre.
  • Di staatsnooche Betriibe stane im Wettbewerb zu anderne, privatwürtschaftliche Firme u müesse drum o im Management marktüblechi Löhn zahle. Iischränkige würdi d Firme im Wettbewerb benachtiilige

Easyvote Video

Links

In Zusammenarbeit mit Vimentis und dem Jugendrat Freiburg

Jugendrat

Quelle: Abstümmigsbüechli , www.vimentis.ch, www.easyvote.ch

Faus epis nid setti neutral sii oder schüsch epis nid guet isch, de mäudet öich bitte bi üs