Für Ehe u Famili – gäge Hiratsstraf

As chunnt scho sit lengerum drüber diskutiert, wimu verhürateti Päärleni i de Schwiiz setti bestür, wüu a Hürat zunera Veränderig vo de Stüürsituation cha füere. Obwou wo z Bundesgricht scho vor über 30 Jahr gsiit het dases nid am Gsetz entspricht we as Ehepaar stüürlich schlächter gstöut isch aus as unverhüratets Päärli isch hüt bi de Bundesstüür gino ki gliichstellig erreicht. D Initiante vo de Vorlag “Für d Ehe u d Familie – Gäge d Hüratsstraf” wetti  z Verbot vonera Schlächterstellig vo de Ehepaar im Beriich vo de Stüre u de Sozialversicherige i d Verfassig schriibe.

Was wird geändert

Di Initiative wott de benachteiligti Behandlig bi de diräkti Bundesstüür u de Sozialversicherigsbiitrag vo Ehepaar u Päärleni inera iitrageni Parntnerschaft gägenüber de Päärleni wo im Konkubinat läbe as Endi setze. As gebi im spezielle drü Pwerines sslich üative agno chemi.

rtner isch somit usgschlosse. As isch aber no nid genau greglet wi das de Konkret glöst wo im ünkt wo i de Verfassig würdi sta:

D Benachtiiligung vo dene Päärleni bi de Stüüre u de Sozialversicherige chemi uf Verfassigsäbeni verbotte

Wiiter bestümmt de Verfassigstext, dass z System vo de “Gmiinsambestüürig” bi de Umsetzig agwant chemi (isch uf de Sitta vo Vimentis no genauer erklärt was das isch). A “Individualbestüürig vo de beide Partner isch somit usgschlosse. As isch aber no nid genau greglet wi das de Konkret glöst chemi we d Initiative agno chemi.

Schliesslich werines wägem Wortluut vom Initiativtext z ersta mau, dass de Ehe uf de Verfassigsebeni explizit us Bund “zwüsche Ma u Frou” definiert chemi

Uswürkige

D Bundesstüür würdi für d Ehepaar wo hüt benachteiliget chä gsänkt cho, faus d Initiative agno chunnt. As isch no unklar wela Ifluss wo di Sach uf d Sozialversicherige würdi ha. Wes insgesamt bi de Sozialversicherige a Diskriminierig vo de Ehepaar gibt de müsstimu det o Apassige mache. Schüsch chennti sich d Änderige o nume uf z Stüürrächt beschränke.  Je nach Art vo de Umsetzig gebenis weniger Iinahme füre Bund. As isch schwer izschetze wi vüu wo mu würdi ibüesse, as chenntisich aber luut Hochrächnige vom Bund jährlich um 1,2 bis 2,3 Milliarde Franke beluufe. Vo dene Minderinahme würde 17% nai uf d Kantone umgwälzt. A witteri Uswirkig we das a möglichi rächtliche Regelig vo gliichgschlächtlicher Ehe i Zuekunft dür di Initiative beiflusst chemi. D Definition vo de Ehe aus Bund “zwüsche Ma u Frou” we nai i de Verfassig verankeret. We nai di gliichgschlächtlichi Ehe legalisiert setti cho we nai d Definition vo de Verfassig ummi nümm jusch. Mu müssti nai de Verfassigsartiku nomau ändere.

Argumänt vo de Befürworter

  • 80 000 verhüürateti u itrageni Päärleni setti nid ifach meh Stüüre müsse zahle aus nid verhürateti Päärleni. Mu wetti demit di verfassigswidrige Unglichbehandlig uf nationaler Äbeni korrigiere.
  • D Familie vo d Grundeinheit vo üseri Gsöuschaft isch töffti nid gschwächt cho dürna benachteiligendi Stüürbelastig. Z Stüürrächt setti sich möglich neutrau uf di verschidene Partnerschaftsforme uswürke.
  • Dür d Verhinderig vo de Individualbestüürig vo de zwü Ehepartner chemi a höiera bürokratische Ufwand verhinderet. D Gmiinschaftsbestüürig wo vorgschlage chunnt sigi ifach umzsetze u lösi o no effektiv z Problem vo de Hüratsstraf.

Argumänt vo de Gägner

  • di vom vorgschlagene Asätz si nid zfrüdestellend, will si vorallem di riichere Familie starch würdi entlaste, während Familie mit weniger Ikomme dütlich weniger devo würdi profitiere
  • z Initiativkommitte wetti bi de diräkti Bundesstüür u o bi de Sozialversicherigsabgabe für d Ehepaar tüüferi Abgabe verschaffe. Bi de Sozialversicherige isch aber d Benachteiligung vo dene Päärleni gar nid umbeding gä. Hie chennti a Änderig di verhüüratete Päärleni sogar ungrächtfertiget entlaste
  • im Initiativtext chunnt d Ehe aus “di uf Duur agliiti u gsetzlich gregleti Läbensgmiinschaft vo Ma u Frou” definiert. Di Definition isch nüme zytgmäss u as isch unnötig das i d Verfassig z schribe.

Links

In Zusammenarbeit mit Vimentis und dem Jugendrat Freiburg

Jugendrat

Quelle: Abstümmigsbüechli , www.vimentis.ch, www.easyvote.ch

Faus epis nid setti neutral sii oder schüsch epis nid guet isch, de mäudet öich bitte bi üs