Durchsetzigsinitiative

Ziu vo de Vorlag

D Usschaffigsinitiative wo im 2010 agno isch cho söu ize wortgetreu umgsetzt cho: Usländer wo sich strafbar gmacht hi sü outomatisch usem Land verwise cho.

Was chemi gänderet?

D Initiative wott a genaui Lista vo strafbare Tate (z.B. Sozialhüufbetrug, schweri Körperverletzig, sexuelli Nötigung) i de Verfassig festschriibe wo im Fau vonera Verurtiilig vomena Usländer zur Landesverwiisig würdi füere. D Durchsetzigsinitiative forderet d Umsetzig vo de Usschaffigsinitative ohne d Härtefauklausla. Das bedütet, das a Täter wo epis vo dene Sache macht outomatisch usgwise chunnt, ohni Berücksichtigung vo sini persönliche Verhäutnis.

Argumänt dafür

  • De Volkswille verlangt a konsequänti Umsetzig vo de Usschaffigsinitiative
  • D Initiative schafft meh Sicherhiit will verurteilti Usländer outomatisch usgwise chäme. Usserdem het di diräkti Bestrafig a abschreckendi Würkig
  • D Initiative trüfft nume di Usländer wo sich nid a d Schwiizer Rächtsordnig haute
  • De Missbruuch vo de Sozialsystem chemi bestraft u de Missbruch würdi so verminderet cho

Argumänt degäge

  • D Initiative tuet z Verhäutnismässigkiitsprinzip missachte. Das hisst, dass mu ki Rücksicht uf di persönliche Verhäutnis vom Täter nümmt.
  • Dür di Initiative git es Konflikte mit internationale Verträg (zum Bispüu mit de EU). Usserdem tuetsi gwüssi Mänscherächt missachte.
  • D Durchsetzigsinitiative missbruucht z Instrument vo de Volksinitiative wüu si im Parlament ki Spüuruum für d Umsetzig vo de Initiative lath.

Links

In Zusammenarbeit mit Vimentis und dem Jugendrat Freiburg

Jugendrat

Quelle: Abstümmigsbüechli , www.vimentis.ch, www.easyvote.ch

Faus epis nid setti neutral sii oder schüsch epis nid guet isch, de mäudet öich bitte bi üs