Goud Initiative

D Vouksinitiativa „ Rette üses Schwizer Goud“ wott de Schwizer Nationalbank verbiete, künftig Goud ds verchufe u se zwinge Mindischtresärve i Goud ifdsühre. Das söu d SNB u d Schwizer Wirtschaft va usländische Iflüss schütze u d Schwizer Unabhängigkit sterche.

Usgangslag

D SNB versorgt d Wirtschaft  durch die verschidene Instrument mit Schwizer Franke. Glichzittig isch d Nationaubank aber o verpflichtet, Währigsresärve ds büude. Settigi sina nötig um ds Vertrue i die inländischi Währig ufrecht ds haute u gegäbenefaus ds interveniere. E Intervetion cha bischpiuswis bire ungrechtfertigta Abwertig nötig cho. Die Währigsresärve bestane momenatn zu 90% us Alage i Främdwähige, Euro oder US-Doller. Sie beinhautet aber o Goud (8%). D Goudresäva wärde zu 70% i de Schwiz glageret. Bi de Lagerig va de andere Bestän  achtet d SNB uf a hoii politischi u würtschaftlichi Stabilität im jewiliga Staat sowie uf regional sinvoli Vertiilig. Die räschtliche 30% va de Goudresärve befine sich im Verinigte Königriich (20%) u ds Kanada (10%).

Was würd gänderet?

D SNB dörfti mit de Annahm va de Initiative ki Goud meh verchufe. Zudem müessti semtlichs Goud zwingend i de Schwiz glageret cho. Schlussendlich weri d SNB verpflichtet mindeschtens 20% va ihrem Vermöge i Goud ds haute.

Uswürkige

D SNB müessti bire Anahm im Verluf va de nechschte füf Jahr Goud chuufe oder d Bilanz reduziere um uf die gforderte 20% Goudatiu ds cho. Faus d Bilanz glich gross bliebti, müessti d SNB Goud im Wert va ca. 65 Mrd. Franke chuufe.
Füre Fau, dass d SNB no me Gäud i Umluf bringe müessti um ihri währigspolitischi Ziu ds erriche, müessti stehts o atiusmässig Gold zuekuuft cho. Im Usland glagerets Goud  müessti innert zwü Jahr i d Schwiz gschafft cho. O i Zuekunft kuufts Goud dörfti usschlisslich im Inland glageret cho.

Argumänt vo de Befürworter

  • D expansivi Gäudpolitik va de SNB u de andere Nationaubanke sigi e Gfahr füre  Woustan va de Bürger. Es bestöngi d Müglichkit, dass ds Drucke  bzw. die grosszügigi Usgab vam Schwizer Franke zure Abwertig vam Franke u zure Inflantion füere chenti.
  • Die zusätzliche Goudresärve sigi o nötig, um d Unabhängigkit u d Strandfeschtigkit  va de SNB gägenüber usländische Iflüss ds erhöiie. Dahär würd d Initiative ou aus Mittu va de Sterchig va de Schwizerische Unabhängigikiit gseh.

Argumänt vo de Gägner

  • Es bestöngi ke Zämehang zwüschum Goudatiu i de Bilanz va de SNB u de Prisstabilität i de Schwiz. Für d Glubwürdigkit  vor SNB u vam Schwizer Franke sigi anderi Faktore usschlaggägbend.
  • De igentlich Sinn va de Wärigsresärve sigi, im Kriesefau rasch u vouumfänglich verfüegbar ds si. Mitum unverchüfliche Goud, wa nume i de Schwiz glageret cho chennti, sigi das jedoch nüme de Fau. Es sigi dahär fraglich ob unverchüflichi Goudresärve de Zwäck va de Währigsresärve überhoupt no erfüuti.
  • D Gwinnusschütig  a Bund u a Kantone chemi mit dera nüe Bestümmig wou chlinner. Goud wirft im Verglich zu de Devisealage u Aktie ke Rendite i Form va Zinse u Dividende ab. Mit emena erhöite Goudatiu i de Bilanz würd sich ds Risiko für d Schwizer Nationalbank erhöie, wüu de Goudpris churzfrischtig cha schwanke.

Easyvote Video

Links

In Zusammenarbeit mit Vimentis und dem Jugendrat Freiburg

Jugendrat

Quelle: Abstümmigsbüechli , www.vimentis.ch, www.easyvote.ch

Faus epis nid setti neutral sii oder schüsch epis nid guet isch, de mäudet öich bitte bi üs