Chuuf vo de Gripen

Um was giites?

D Armee bsitzt hüt 54 Flugzüg vom Typ F5 Tiger weler düre chuuf vom nüe Gripen-Kampfjet ersetzt süü wärde. Di andere 32 F/A-18 Flugzüg müesse no nid ustuuscht cho.

De Bundesrat u z Parlamänt hi de Vorlag zuegstümmt und defür a Fonds gschaffe. A Gruppa vo Gägnere het jedoch z Referändum ergriffe. Somit cha iz z Vouk druber entscheide.

Bimena Ja zur Vorlag würd d Schwiz 22 nüi Gripen-Kampjets für 3.1 Milliarde Franke usem Fonds zum Chuuf vom Kampfflugzpg Gripen erwärbe. Würd d Vorlag abglehnt würd de Gripen nid kuuft. Anschliessend würdi z Parlamänt u de Bundesrat entscheide was mitem verwändete Gäud passiert.

Argumänt defür:

  • D Überwachig vom Luftruum isch a Chärnufgab vom Militär. Das cha nume düre Chuuf vo modärnere Kampfjets erfüut wärde.
  • De Gripen erfüut ali Aforderige vom Schwizer Militär und isch trotzdäm relativ priswärt.
  • De Härstöller vo de Gripen verpflichtet sich für Gägegschäft im Wärt vo 2.5 Milliarde Franke mit Schwizer Unternäme abzschliesse

Argumänt degäge:

  • Di vorhandene F/A-18 Jets gnüege zur Absicherig vom Luftruum
  • We ali Choschte zämegrächnet wärde (z.B. Chuuf, Unterhaut, Betrieb) würd de Chuuf vo de Gripen vüu türer u choschtet am Schluss über 10 Milliarde Franke. Das Gäud chamu i andere Beriche besser investiere.
  • De Gripen existiert zur Zit ersch us Prototyp. As git auso ki Garantie, dass dä 2018 isatzfähig si würd.

Spezielli Uswürkige für üs Junge?

Kiner

Easyvote Video

Links

Quelle: Abstümmigsbüechli , www.vimentis.ch, www.easyvote.ch, www.parlament.ch, www.admin.ch

Faus epis nid setti neutral sii oder schüsch epis nid guet isch, de mäudet öich bitte bi üs