Mindestlohn-Initiative

Um was giites?

I de Schwiiz isches momentan aso, das d’Würtschaft säuber tuet d’Lohnhöii bestümme u de Staat nume igriift wenes zu Missbrüch chunnt. Obwous z Lohnniveau i de Schwiiz hoi isch, gits o hie Lüt wo relativ tüüfi Löhn buchäme. Für genau di verlangt d Volksinititiva nü a Mindestlohn vo 22 Franke pro Stunn. Das entspricht ama Monetslohn vo 4000 Franke.

Schätzigswiis si epa 330’000 Lüt oder 9 Prozänt vo de Arbiitsplätz devo betroffe. Vüufach sis Lüt wo i de Gastronomie, im Detailhandu oder o i gwüsse Diensleistigsberiiche schaffe wo tüüferi Löhn hi. Z Ziel vo de Initiative isches d’Armuet u z Lohndumping (auso z zahle vo sehr tüüfe Löhn) z bekämpfe.

Argumänt defür:

  • Di momentani Situation isch unfair. Imena riiche Land wi d Schwiiz settis möglich si a Mindestlohn z zahle u so chi d Arbiitsgäber o kinner Lüt meh zu Tiefschtlöhn astelle.
  • Hüt chi vüu Arbiitsnämer gar nid vo ines Lohn läbe. Drum bruuchtes a Mindestlohn vo 4000 Franke.

Argumänt degäge:

  • We d’Arbitgäber höieri Löhn müsse zahle, drückt ine das uf z Budget u si chi nai weniger Lüt zahle u müsse Arbiitschräft entla.
  • As git scho hüt gnue Understützig vom Bund für Tüüfverdiener (z.B. Prämieverbilligunge, Chinderzuelage etc.). De Mindestlohn isch hie de fautscha Wäg für d Armuet z sänke.

Spezielli Uswürkige für üs Junge?

De Mindestlohn güutet nid für Lehrlinge u Praktikante, das hisst de Mindestlohn betrifft üs Junge ersch nach däm mer d Bruefsusbüudig abgschlosse hi.

Easyvote Video

Links

Quelle: Abstümmigsbüechli , www.vimentis.ch, www.easyvote.ch, www.parlament.ch, www.admin.ch

Faus epis nid setti neutral sii oder schüsch epis nid guet isch, de mäudet öich bitte bi üs