1:12 Initiative

Um was giites?

Im Momänt chii Undernähme i de Schwiz säuber entscheide, wäm wo si wifüu Lohn wii zahle. I tüune Branche gites Gsamtarbiitsverträg (so genannti GAVs), wo zum Bispüu Mindestlöhn, Ferie oder Arbiitszite regle.

D 1:12-Initiativa forderet, dass ds Verhäutnis vo de Löhn imena Undernähme höchschtens 1 zu 12 taf betrage. Das bedütet, dass zum Bispüu de Chef im Maanet nid meh taf verdiene aus de Schlächtischtbezauta vo de gliichi Firma im Jahr. Vo däri Regla usgno si d Löhn vo Lernende, PraktikantIne u Mänsche i gschützte Arbiitsplätz. We di Initiativa agnoo chunt, muess zwar ging no ki Mindescht- oder Maximaulohn ighaute cho, aber jedes Undernähme muess d Löhn aso apasse, dass ds Verhäutnis höchschtens 1:12 betriit. D Firma cha di hooje Löhn reduziere, di tüüfe erhööje oder beides glichzitig mache.

Argumänt defür:

  • Hüt verdient a Manager im Durchschnitt 4 Millione Franke im Jahr. Das isch 56 meh aus a normala Schwizer Arbiitnähmer verdient. Mit de 1:12-Initiativa gebines a grächti Lohnvertiilig i de Firme, sääge d Befürworter.
  • We ds Verhäutnis 1:12 muess ighaute cho, de stige d Löhn vo de wenig Verdienende, füne d Initiante. Wüu we as Undernähme de Managere wott meh Lohn uszahle, müessines o di tüüfschte Löhn wuytue.
  • Di grosse Lohnunderschiede beiträchtige lut de Initiante ds Undernähmensklima. So würdi d Leischtig im Undernähme bi Anahm vo de Initiativa stige.
  • D Initiativa sigi iifach umzsetze, wüu alli Arbiitnähmer ihnes Löhn i de Stürerklärig müesse offelege.

Argumänt degäge:

  • D Bestümmig vo de Löhn sigi d Sach vo de Firme u nid vom Staat, säge d Gägner.
  • D Initiativa würdi lut de Gägner d Standortattraktivität vo de Schwiz sänke. So chämi weniger usländischi Firme id Schwiz.
  • D Gägner befürchte, dass mit de Anahm vo de Initiativa schlächt zauti Stele ids Ussland verliit cheemi.
  • Wüu Lüt mit hooje Löhn meh AHV-Biiträg u Stüüre zahle, müessi dete mit Ibuesse vo totau ca. 4 Milliarde Franke grächnet cho.

Spezielli Uswürkige für üs Junge?

Nid spezieu.

Easyvote Video

Links

Quelle: Abstümmigsbüechli , www.vimentis.ch, www.easyvote.ch, www.parlament.ch, www.admin.ch

Faus epis nid setti neutral sii oder schüsch epis nid guet isch, de mäudet öich bitte bi üs