Änderig vom Arbitsgsetz

Um was giites?

Im Momänt isches asoo, dass ds Personau vo Tankstölle uf Outobahnraststätte rund um d Uhr Tribstoff, Caffi u chlini Imbiss daf abiete. Bi de Zitspanni vom 1 bis am 5i müessesi d Regau absperre. We di Vorlag agnoh chemi, de würdi das de Tankstölle ermögliche, dass si ines Ware rund um d Uhr chenti verchuufe, solang dass di uf d Bedürfnis vo Reisende usgrichtet sin. Für ali andere Tankstölle güutet witerhin de Grundsatz vo Nachts- u Sunntigsarbitsverbot.

Argumänt defür:

  • Tankstölleshops döffe scho hüt 24 Stun as Bistro mit chliine Imbisse betribe. Drum isch z Personal bereits dete u as bruucht kis zuesätzlechs Personau
  • As macht ki Sinn, dass gwüssi Produkt rund um d Uhr döffe verchuuft cho u anderi nume zu gwüsse Zyte
  • Dür d Schichtarbit bestiit vor allem i de stedtische Gebiet a Bedarf amena grössere Agebot

Argumänt degäge:

  • As isch a witera Schritt zu unbeschränkte Öffnigszite u Sunntigsarbit. Das würdi d Arbitsbedingige vo de VerchüferInne starch verschlächtere
  • Di hütegi Bevöukerig isch nid uf 24 Stune Shops agwise, da mu hüt Gfrieri und co het.
  • De Gwünner vo där Gsetzesänderig si nid d ArbiterInne wo a Mehufwand hi, sondern d Bsitzer vo de Tankstölle

Spezielli Uswürkige für üs Junge?

Kiner

Links

Quelle: Abstümmigsbüechli , www.vimentis.ch, www.easyvote.ch, www.parlament.ch, www.admin.ch

Faus epis nid setti neutral sii oder schüsch epis nid guet isch, de mäudet öich bitte bi üs.