Ja zur Ufhäbig vo de Wehrpflicht

Um was giites?

Izgrad isches für jeda Schwizer obligatorisch äntwäder Militär, Ziviuschutz oder Ziviudienst z leischte. Wär nüd vo däm het gmacht, het a Ersatzabgab müesse zahle. Für d Froue isch das Ganza friwillig. D Initiative wot ize, dass die sogenannti Wehrpflicht abgschafft würd. Demit chi sich ali Froue u Manne friwillig füe Ziviudienst und z Militär mäude. De Ziviuschutz isch vo där Initiative usgno.

Argumänt defür:

  • I de hütegi politischi Situation isches nüme notwändig, dass jeda Maa dezue verpflichtet chunt iz Militär z gah
  • D Schwiz isch in Europa is vo de einzige Länder wos d Wehrpflicht no git
  • Ma cha deva usgah, dass a friwilligi Milizarmee z Budget chli schont
  • D Ersatzabgab vo Untougliche isch zum Tüu unfair, da si mengisch gar nüd defür chi, dass si ki Dienst chi leiste. Zudäm isches gäge Glichstölligsartiku i de Verfassig, dass nume d Manne müesse Dienst leischte
  • D Wehrpflicht cha für di brueflichi Zuekunft behindernd würke, da mu fasch as ganzes Jahr verhinderet isch u nai zuesätzlich während mehrere Jahr as paar Wuche muess WK leischte

Argumänt degäge:

  • A friwilligi Milizarmee gwährlistet d Sicherhit nüme
  • Mit de friwilligi Armee gfünt mu vermuetlech zwenig Lüt, wosich defür chi begeistere Dienst z leiste
  • As bestiht d Gfahr, dass sich numeno Lüt mäude, wo Chrieg u Waffe cool füne
  • D Choschte si jenachdäm nid tüüfer binera friwillegi Milizarmee
  • Dür z Militär lehrt mu vüu nüüi Lüt us andere Regione u Gsöuschaftsschichte kenne u cha zum Tüu o siner Sprachkenntnis verbessere. Di Erfahrig würdi dür d Abschaffig vo de Wehrpflicht verlore ga

Spezielli Uswürkige für üs Junge?

Vor allem für di junge Manne hettines grossi Uswürkige. Si chente binera Annahm vo där Vouksinnitiative säuber entscheide, ob z Militär oder de Zivildienscht für si z Richtiga isch, oder ob si lieber ganz ufe Dienst wi verzichte.

Links

Quelle: Abstümmigsbüechli , www.vimentis.ch, www.easyvote.ch, www.parlament.ch, www.admin.ch

Faus epis nid setti neutral sii oder schüsch epis nid guet isch, de mäudet öich bitte bi üs