Voukswauh vom Bundesrat

Podcast

Wär das Ganza lieber lost aus list fünd hie de Podcast:

Musikvideo: Adobe Flash Player (Version 9 oder höher) wird benötigt um dieses Musikvideo abzuspielen. Die aktuellste Version steht hier zum herunterladen bereit. Außerdem muss JavaScript in Ihrem Browser aktiviert sein.

Um was giites?

De Bundesrat, auso d Regierig vo de Schwiz, chunnt zit de Staatsgründig vom Parlamänt (Nationau- & Ständerat) gwäuht.

D Initiativa forderet, dass di Wauh i Zuekunft vom Vouch troffe chunnt, u zwar grad glichzitig mit de Parlamäntswahle: Alli Stümmbürgerine u –bürger töffe sübe beliebigi KandidatIne ufschriibe. Wär vo de Mehrhiit vo de BürgerIne d Stümm bechunnt, isch Bundesrat (absoluts Mehr“). Alli KandidatIne, wo di Hürda nid schaffe, chii imena zweite Wauhgang aträtte. Dette chäme nai di KandidatIne gwäuht, wo di meischte Stüme bechäme (iifachs Mehr). D KandidatIne us de französich- bzw. italiänischsprachige Kantöön süü garantiert zwe Bundesratssitze becho.

Argumänt defür:

  • Dass d Bürgerine u Bürger di sübe Bundesrät säuber töffe wähle, isch a Usbuu vo de Vouksrächt u dademit o vo de diräkti Demkratie.
  • De Bundesrat isch duch d Voukswauh nümme diräkt vom Parlamänt abhängig. So chunnt d Gwautetiilig usbuut.
  • Im Gägesatz zum Parlamänt cha ds Vouch kinner taktische Spiileni u gheimi Absprache veranstaute.
  • Profilierti u pointierti Persönlichkiite hii besseri Chance gwäuht z cho.
  • D Verträttig vo de sprachliche Minderhiite chunnt garantiert.

Argumänt degäge:

  • Ds Parlamänt kennt di meischte KandidatIne besser aus ds Vouch u cha drum d Fähigkiite vo däne KandidatIne o besser beurtiile.
  • KandidatIne u Partie mit vüu Gäud u Iifluss hii grösseri Chance.
  • D Bundesrät würdi numeno Wauhkampf betriibe u nume das mache, wone für d Widerwauh nützt.
  • D Voukswauh würdi a „Amerikanisierig“ vom Wauhkampf (Uftritte, Wärbig) verursache, was sehr vüu choschtet.
  • D Sitzgarantie für di italiänisch- u französischsprachigi Schwiz vergisst d Rätoromane u spüut ds Tessin gäge d Romandie us.

Spezielli Uswürkige für üs Junge?

Nei.

Links

Quelle: Abstümmigsbüechli (09.06.2013), www.vimentis.ch, www.easyvote.ch, www.parlament.ch, www.admin.ch

Faus epis nid setti neutral sii oder schüsch epis nid guet isch, de mäudet öich bitte bi üs.