erliechtereti Ibürgerig vo Persone us de dritti Usländergeneration

Ziel vo de Vorlag:

D´Ibürgerig vo Persone us de dritti Usländergeneraion söu zuekünftig mit tüüfere Hürde u weniger Ufwann verbune si.

Was würd gänderet:

Persone us de dritti Usländergeneraion, wo im Moment de ordentlicha Ibürgerigsprozess müsse dürluufe, sölle under gwüsse Vorussetzige a Atrag ufena erliechtereti Ibürgerig chenne stelle.

Argument defür:

  • Usländischi Persone, wo d´Eutere u d´Grosseutere scho i de Schwiz hi gläbt u gino hie läbe, hi meistens a sterchera Bezug zu de Schwiz aus zu ihnes Hiimatland.
  • De Schwizerpass würd nit outomatisch, sondern numme uf Atrag vergä. Dür das cha witerhin as usrichends Mass a Integration sichergsteut cho.
  • D´Autersgrenza vo 25 Jahr verhinderet, dass de Militärdienst umgange cha cho.

Argument degäge:

  • D´Vorlag missachtet de Wülle vo de Stänn, wo scho inera vergangeni Abstümmig bestätiget hi, dass d´Ibürgerig vo de dritti Usländergeneration Sach vo de Kantön söu blibe.
  • Ufgrund vo de tüüfere Iwanderigshürde würd faktisch a Ibürgerigsoutomatismus igführt.
  • As bestiit Zwifu a de praktischi Umsetzbarkiit, wü ds Uffünne vo benötigte Dokument, bezüglich de Eutere u Grosseutere, teilwiis schwirig bis unmöglich chennti si.

Easyvote Video

Links

In Zusammenarbeit mit Vimentis und dem Jugendrat Freiburg

Jugendrat

Quelle: Abstümmigsbüechli , www.vimentis.ch, www.easyvote.ch

Faus epis nid setti neutral sii oder schüsch epis nid guet isch, de mäudet öich bitte bi üs